Anlé Beukes is een van die meer as 900 atlete uit 14 provinsies wat die naweek hul staal wys by die SA Tweekampkampioenskappe wat dié naweek in Oudtshoorn gehou word, Vanjaar se nasionale kragmeting is een van die grootstes wat tot nog toe aangebied is en loop vandag ten einde.

Die room van die land se tweekampatlete is oor die naweek hier in aksie en daar is groot verwagting vir heelwat SA-rekords en persoonlike beste tye.

Anlé wat ‘n leerder van die Primêre skool Parys is, sal 400m hardloop en 50m swem vir haar deelname in die multisport dissipline. Sy is deel van die Noord-Vrystaat SA Tweekampspan en hoewel sy nog net 8 jaar oud is, neem sy o.11 deel. In die hardloop-item was sy vyfde in die uitdun en nou lê die swem nog voor.

Verskillende afstande geld vir die onderskeie ouderdomsgroepe en word die hardloop-items eers afgehandel voordat atlete hul onderskeie afstande moet swem. Elke atleet se tye word in berekening gebring vir die puntetoekenning.