Chrizaan Agenbach (20) is Maandagaand, 24 Maart in haar slaap in haar woonstel oorlede.

Alhoewel Chrizaan ‘n epilepsielyer was, moet ‘n lykskouing nog gedoen word om die oorsaak van haar dood te bepaal.

Chrizaan was ‘n tweedejaarstudent in megatroniese ingenieurswese aan die Noordwes-Universiteit (NWU). Sy was ook betrokke by die APK-gemeenste in Potchefstroom se jeugtak.

Sy het in 2023 aan die Elnatan Christelike Privaatskool in Stampriet, Namibië, gematrikuleer.

“Ons is hartseer om die afsterwe van ons geliefde NWU-student, Chrizaan Agenbach, ‘n tweedejaarstudent in Megatriniese Ingenieurswese, aan te kondig. Hierdie tragiese verlies het ons hele kampusgemeenskap geruk, en ons betuig ons innige meegevoel met Chrizaan se familie, vriende en geliefdes. Chrizaan was ‘n integrale deel van ons kampusgemeenskap en haar teenwoordigheid sal diep gemis word,” het Potchefstroom, studentekampusraad in ‘n geskrywe gesê.

‘n Gedenkdiens sal Sondag, 30 Maart om 18:30 in die APK-kerk in Potchefstroom gehou word. Chrizaan sal in Namibië begrawe word.